Os norteamericanos Low actúan esta noite a partir das 21.30 na sala Capitol de Santiago. Alan Sparhawk explica nesta breve entrevista a diferenza entre ‘Drums and Guns’ e o seu recente ‘C’mon’.
el país directo mano de obra entrevista os meus 50 discos de 2011 das kapital disimulen listaxes franc3s a veces ciclón música srasrsra
Vou con atraso, seino. A listaxe está pechada dende hai semanas. Xuro que non movín unha coma dende entón, aínda que sobran as razóns para emendar imprudencias aquí e alá. Aí van os (pen)últimos dez discos do ano pasado. Cada vez máis lonxe.
Bigott chámase en realidade Borja Lanudo, aínda que consente que lle chamen Pancho ou calquera outra cousa que se lle ocorra no momento. Con el non paga a pena o vello truco de indicar entre corchetes cando ten que soar a gargallada na cabeza do lector: o delirio é constante. SON Estrella Galicia programa tres concertos do zaragozano esta semana: o xoves en Ourense (Torgal), o venres en Vigo (Mondo) e o sábado na Coruña (Le Club).
Terceira entrega do meu resumo (sentimental) do ano pasado en medio cento de gravacións. A tal hora, xa non recordo por que Cults están tan arriba e La Estrella de David quedou tan abaixo, pero é o que hai. Supoño que non me queda outra que responder do meu arrouto.
Sigo coa listaxe. Non son os mellores, xa quedou dito na primeira entrega, pero son 50 e son do ano pasado. Este bloque ábreo Ataque Escampe, unha banda galega, e péchao Panda Bear.
Dánseme fatal as listaxes. Creo que as tomo demasiado en serio, e ser un tipo entusiasta tampouco axuda. Por iso me propuxen o reto este ano, e cumprín dúas veces: primeiro coas de Rockdelux, que se publican no número de xaneiro, e agora con esta. Son 50 discos, pero non son os mellores.
Sairá en abril e incluirá doce dos catorce temas que o dúo vigués gravou no estudio de Manu G. Sanz en Tomiño, entre eles os catro que xa circulan pola rede. Prometedor.
Martí Maymó é o baixista de Manel. Esta semana está en Galicia xunto aos outros tres compoñentes da banda, Arnau Vallvé, Roger Padilla e Guillem Gisbert. Tocan en Ourense o mércores, en Santiago o xoves e na Coruña e Vigo o venres e o sábado.
O 27 de decembro, Siniestro Total celebrará o trinta aniversario do seu debut co primeiro concerto da súa historia en La Iguana (Vigo). O 12 de maio tocaralle aos Resentidos. Antón Reixa, Rubén Losada e Javier Soto, con outros trinta no lombo, volverán subir xuntos a un escenario en Ourense. A festa chamarase «A tribo toda baila», como aquel verso de ‘Música feliz’.
Óscar Vilariño retoma os fíos soltos de Vale Tudo con este novo proxecto xunto a Marcos Junquera, do que xa hai tres evidencias na rede. Tamén acaba de poñer en circulación ‘Salmonete’, primeira referencia de Mullet para Efepé Ediciones, e prepara material cunha terceira banda, Musel.