Coidado co espellismo. É posible que Jane Joyd sexa tan tímida e pequena como di, pero o seu debut non ten nada que ver. É un estadio en miniatura. Poderoso, escuro, incandescente. Catro fábulas cos seus animais e as súas traxedias. Só dura 17 minutos, pero pode deixarte exhausto.
Guitarra, voz e batería. Ruído, melodía e urxencia. En Fantasmage non se perde un segundo. A mellor ecuación é sempre a máis simple. A canción perfecta, a que chega antes. O dúo vigués pode fardar de puntaría: non hai un só corte no seu debut que non se pegue ao tímpano. Afástate, anda.
Os nove discos favoritos da banda de Carballo. Tres de Alberto M. Vecino, tres de María Costa e tres de Patricia Bermúdez. Tres cada unha, nove. Só nove. Difícil.
“Coidado con Galicia: está inzada de subalternos. Non están organizados, pero bailan e cantan e gruñen e fano en galego (uns) e sen permiso (todos). E enriba, reprodúcense”.